Şrift:
Mərkəzi Bank seminar keçirib
04.07.2013 [15:35] - İqtisadiyyat
İştirakçılara saxta pul çapına qarşı mübarizədə Mərkəzi Bankın rolu, həyata keçirdiyi siyasət və s. barədə məlumatlar verilib

Azərbaycan Mərkəzi Bankı (AMB) tərəfindən kommersiya bankları üçün nəzərdə tutulmuş silsilə tədbirlər çərçivəsində "Bank Respublika" ASC-nin baş ofisində bankın müvafiq əməkdaşları üçün pul nişanlarının ekspertizanın təşkili mövzusunda nəzəri-praktiki seminar keçirilib. Bu barədə cümə axşamı AMB-dan Trend-ə daxil olıan məlumatda deyilir.

Seminar iştirakçılarına pul nişanlarının mühafizə fəlsəfəsi, bank sistemində pul nişanlarının ekspertizasının təşkili və aparılması mövzusunda prezentasiya təqdim edilmiş, saxta pul çapına qarşı mübarizədə Mərkəzi Bankın rolu, həyata keçirdiyi siyasət və s. barədə məlumatlar verilib.

Seminar zamanı iştrakçılar tərəfindən kommersiya banklarında tətbiq olunan texnoloji sistemlərlə aparılan nağd əməliyyatlarda saxta əskinasların müəyyən olunmaması riskləri, xarici valyutaların ekspertizasının keçirilməsi prosedurları barədə verilən suallar cavablandırılmış və müzakirələr aparılıb.

Seminarın sonunda kommersiya banklarında əhaliyə xidmət səviyyəsinin yüksəldilməsi, milli valyutanın saxtalaşdırılması risklərinin minimallaşdırılması və əməkdaşların bu sahədə maarifləndirilməsi üçün Mərkəzi Bank tərəfindən davamlı tədbirlərin həyata keçirildiyi və bu sahədə banklara müvafiq texniki yardımların göstərildiyi bildirilib.
Bu xəbər oxucular tərəfindən 722 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed