Şrift:
Gələn aydan mobil danışıq qiymətləri ucuzlaşacaq
24.07.2013 [14:42] - Gündəm, Sosial
RİTN: "Nömrə daşınması xidməti tətbiq olunduqdan sonra mobil rabitə qiymətlərinin ucuzlaşacağı qaçılmazdır"
"Gələn aydan ölkədə fəaliyyət göstərən mobil operatorların qiymətləri aşağı salması gözlənilir”. Bu sözləri Rabitə İnformasiya və Texnologiyaları Nazirliyi Tənzimləmə şöbəsinin müdiri Əliyar Dəmirov bildirib. Onun sözlərinə görə, mobil operatorları buna nömrə daşınması xidmətinin tətbiqi vadar edəcək: "Nömrə daşınması xidməti tətbiq olunduqdan sonra, mobil operatorlar arasında ciddi rəqabət mühiti yaranacaq. Çünki, bu xidmətin tətbiqi bəzi mobil operatorları öz abunəçilərini itirmək təhlükəsi ilə üz-üzə qoya bilər. Hətta mən deyərdim ki, mobil operatorlar indidən qiyməti aşağı salmalıdırlar ki, nömrə daşınması xidməti tətbiq olunduqdan sonra öz abunəçilərini itirməsinlər. Hər halda nömrə daşınması xidməti tətbiq olunduqdan sonra mobil rabitə qiymətlərinin ucuzlaşacağı qaçılmazdır”.
Bu xəbər oxucular tərəfindən 754 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed