Şrift:
Şagirdlərin müəyyən bir sinfi bitirmədən növbəti sinfə keçirilməsi qaydaları açıqlanıb
25.07.2013 [13:10] - Gündəm, Sosial
Azərbaycanda şagirdlərin müəyyən bir sinfi bitirmədən növbəti sinfə keçirilməsi (məsələn, 1-dən 3-ə; 3-dən 5-ə və s.) barədə qaydalar hazırda mövcud deyil.


Təhsil Nazirliyinin rəsmi Facebook səhifəsində vətəndaşların sualları cavablandırılarkən qeyd olunub ki, bu hal kütləvi xarakterdə ola bilməz. Şagirdlərin müəyyən bir sinfi bitirmədən növbəti sinfə keçirilməsi yalnız xüsusi istedadı ilə fərqlənən, idraki və kommunikativ bacarıqları yaşıdlarına nisbətən daha yüksək inkişaf etmiş uşaqlara aiddir.



Təhsil nazirinin əmrinə əsasən isə ölkədə uşaqların vaxtından əvvəl I sinfə qəbulu hər il 16 sentyabr - 31 dekabr müddətində 6 yaşı tamam olan xüsusi istedadlı uşaqlara şamil edilir.



Vətəndaşların digər sualları cavablandırılarkən qeyd olunub ki, Azərbaycan Dövlət İqtisad Universitetini bitirənlər ümumtəhsil məktəblərində müəllim işləyə bilməz: “Ümumi təhsil müəssisələri direktorlarının müavinləri İKT məsələlərinə rəhbərlik edirlər. Gələcəkdə ümumtəhsil məktəblərinə maliyyə müstəqilliyi verilərkən zərurətdən asılı olaraq İKT üzrə müavin ştatlarının ayrılması məsələsinə baxılacaq”.
Bu xəbər oxucular tərəfindən 803 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed