Şrift:
Yeni il bayramı və Azərbaycanlıların Həmrəylik günü münasibətilə ölkədə 5 gün qeyri-iş günü olacaq
22.11.2011 [10:03] - Köşə yazarları
Yeni il bayramı və Azərbaycanlıların Həmrəylik günü münasibətilə Azərbaycanda 5 gün qeyri-iş günü olacağı gözlənilir.

Məlumata görə, Nazirlər Kabinetinin bu günlərdə qəbul edəcəyi qərarla Azərbaycanda 2011-ci il dekabrın 31-dən 2012-ci il yanvarın 5-nə kimi qeyri-iş günü olacaq.

Dekabrın 31-i Azərbaycanlıların Həmrəylik günü, yanvarın 1, 2-si Yeni il bayramı münasibətilə qeyri-iş günü elan olunacaq. Dekabrın 31-i və yanvarın 1-i şənbə, bazar günlərinə düşməsi ilə əlaqədar olaraq yanvarın 3-ü və 4-ü də qeyri-iş günü elan olunacaq.

Azərbaycan Respublikasının "Əmək Məcəlləsinə əlavə və dəyişiklərin edilməsi haqqında" 30 dekabr 2005-ci il tarixli qanununa əsasən, bayram günləri həftənin sonuna (qeyri-iş günlərinə) düşərsə, həmin günlər avtomatik olaraq sonrakı iş günlərinə keçirilir.
Bu xəbər oxucular tərəfindən 502 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed