Şrift:
Ehtiyatda olan 10-dan artıq yüksək rütbəli zabit hərbi xidmətə bərpa olunmaq üçün Azərbaycan Müdafiə Nazirliyinə müraciət edib
04.11.2013 [14:39] - Xəbərlər, Hərb
Azərbaycan Silahlı Qüvvələrindən ehtiyata buraxılmış 10-dan artıq yüksək rütbəli zabit yenidən hərbi xidmətə bərpa olunmaq üçün Müdafiə Nazirliyinə müraciət edib.




Sabiq müdafiə naziri, general-polkovnik Səfər Əbiyevin dövründə, müxtəlif illərdə ordu sıralarından ehtiyata buraxılmış zabitlər müraciətlərində öz bilik və təcrübələrini Azərbaycan Ordusunun inkişafına sərf etmək istəklərində olduqlarını, bu məqsədlə yenidən Silahlı Qüvvələr sıralarında hərbi xidmətə bərpa olunmalarını xahiş ediblər.



Müraciət etmiş zabitlər vaxtı ilə ordu sıralarında müxtəlif vəzifələrdə çalışıb, Qarabağda hərbi əməliyyatlarda iştirak ediblər. Onların arasında keçmiş hərbi hissə komandirləri, pilotlar, hava hücumundan müdafiə sistemləri üzrə ixtisaslaşmış mütəxəssislər yer alır.
Bu xəbər oxucular tərəfindən 541 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed