Azərbaycan Dövlət Neft Fondunun fəaliyyətə başladığı dövrdən indiyədək məcmu gəlirləri 63,8 mlrd. ABŞ dollarına, xərcləri isə 29,7 mlrd. dollara çatıb. Bunu Fondun icraçı direktoru Şahmar Mövsümov bildirib. Onun sözlərinə görə, hazırda Fondun məcmu aktivləri 32,3 mlrd. dollar təşkil edir.

Xatırladaq ki, yanvar-sentyabr ayları ərzində Dövlət Neft Fondunun büdcə gəlirləri 11 831,4 mln. manat, büdcə xərcləri isə 4 366,7 mln. manat təşkil edib. Nəticədə, 2011-ci ilin əvvəlinə nisbətən Fondun aktivləri 41,6% artaraq oktyabrın 1-ə 32 242,5 mln. dollara çatıb.