Liviyanın Tripoli şəhərinin Şəhidlər meydanında minlərlə liviyalının iştirakı ilə mitinq keçirilib. Mitinqçilər yeni hökumətin hərbi dəstələrinin özbaşınalığına etiraz ediblər.

Etirazçılar şəhərə nəzarət edən dəstələrin silahsızlaşdırılmasını tələb ediblər. Son həftələr ərzində Tripolidə müxtəlif silahlı dəstələr arasında dəfələrlə qarşıdurmalar baş verib.

Dekabrın 6-da Liviyanın müvəqqəti hökuməti başqa şəhərlərdən Tripoliyə gəlmiş silahlı dəstələrə iki həftə ərzində şəhəri tərk etməyi əmr edib.