Şrift:
Hərbi Hava Qüvvələrinin polkovnik-leytenantının intihar etdiyi bildirilir
08.04.2014 [12:20] - Gündəm, Hadisə
Azərbaycan Müdafiə Nazirliyi Hərbi Hava Qüvvələrinin zabitinin intihar etməsi faktı ilə bağlı məlumat yayıb.


Nazirliyin mətbuat xidmətindən verilən məlumata görə, Hərbi Hava Qüvvələrinin zabiti, polkovnik-leytenant Balıyev Natiq Bəşir oğlu yaşadığı evdə özünü asaraq intihar edib.



Hadisə ilə bağlı cinayət işi başlanıb, Hərbi Prokurorluq tərəfindən araşdırma aparılır.


Kütləvi İnformasiya Vasitələrində yayılan məlumatlarda onun ölümünə səbəb kimi guya vəzifəsinin aşağı salındığı qeyd olunur.


Müdafiə Nazirliyi bildirir ki, mərhum polkovnik-leytenant N. Balıyev 12.07.2013-cü il tarixində Müdafiə Nazirliyində yuxarı vəzifəyə təyin olunub, xidməti nəzərə alınaraq ona 11.01.2014-cü ildə növbəti polkovnik-leytenant hərbi rütbəsi verilib. Eyni zamanda polkovnik-leytenant N.Balıyev nazirlik tərəfindən 22.01.2014-cü tarixdə Bakı şəhərində 3 otaqlı xidməti mənzillə təmin edilib. Hadisə də məhz ona verilmiş xidməti mənzildə baş verib.


Tarixlərdən göründüyü kimi mərhum N. Balıyevə Müdafiə Nazirliyi tərəfindən diqqət və qayğı göstərilib.


Müdafiə Nazirliyi dəqiqləşdirilmədən yalan məlumat yayan şəxsləri qınayır və ordu haqqında məlumat verərkən həssas yanaşılmasını tövsiyə edir.
Bu xəbər oxucular tərəfindən 467 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed