Şrift:
Nazir Şahin Mustafayev: “Azərbaycanda növbəti 10 il ərzində ÜDM-in iki dəfə artması gözlənilir”
21.12.2011 [12:40] - İqtisadiyyat
Azərbaycanda növbəti on il ərzində qeyri-neft sektorunun inkişafı hesabına ÜDM-in iki dəfə artırılması gözlənilir. Bunu Azərbaycanın iqtisadi inkişaf naziri Şahin Mustafayev bu gün Bakıda keçirilən “Modernləşmə siyasəti: yeni iqtisadi və sosial çağırışlar” mövzusuna həsr olunmuş tədbirdə bildirib.

Onun sözlərinə görə, qeyd olunan dövr ərzində qeyri-neft sektorunun ÜDM-də çəkisinin 80%-ə çatdırılması nəzərdə tutulur. Azərbaycanın iqtisadi inkişafından danışan nazir deyib ki, son 7 ildə Azərbaycanda ÜDM 2 dəfə, sənaye məhsullarının istehsalı 2,8 dəfə, dövlət büdcəsi gəlirləri 9,3 dəfə, əsas kapitala yönəlmiş investisiyaların həcmi 2,9 dəfə, xarici ticarət dövriyyəsi 5,4 dəfə, o cümlədən ixrac 8,2 dəfə artıb.

“Qeyd olunan dövrdə ticarət tərəfdaşlarının sayı 147 ölkəyə çatdırılıb” - deyə Ş.Mustafayev qeyd edib.
Bu xəbər oxucular tərəfindən 1579 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed