Şrift:
Nazarbayev Ermənistanın Avrasiya İqtisadi İttifaqına qoşulması prosesindən danışıb
16.12.2014 [13:31] - Gündəm, Siyasət
Rusiya baş naziri Dmitri Medvedyev Astanada Qazaxıstan prezidenti Nursultan Nazarbayevlə görüşüb.
Medianın yaydığı məlumata görə, görüş zamanı Nazarbayev Ermənistanın Avrasiya İqtisadi İttifaqına (Aİİ) qoşulması prosesindən də danışıb: “23 dekabr Moskvada görüş olacaq. Biz Ermənistanın Aİİ-yə qoşulması barədə sazişi təsdiqləyəcəyik. Ola bilsin həmin vaxta Qırğızıstanla olan sənəd də təsdiqlənsin”.

Qeyd edək ki, Ermənistanın Avrasiya İqtisadi İttifaqına qoşulması barədə saziş oktyabrın 10-da Minskdə Ali Avrasiya İqtisadi Şurasının iclasında imzalanıb.

Avrasiya İqtisadi İttifaqının yaradılması barədə saziş Rusiya, Belarus və Qazaxıstan prezidentlərinin may ayının 29-da Astanada keçirdiyi görüş zamanı imzalanıb.

Müqavilə quruma üzv ölkələrin ərazisində malların, xidmətlərin, kapitalın və işçi qüvvəsinin sərbəst hərəkətini nəzərdə tutur.
Bu xəbər oxucular tərəfindən 954 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed