Bu ilin birinci yarısında Rusiyada gəlirləri yaşayış minimumundan aşağı olan vətəndaşların sayı 2 mln. nəfər artaraq 21,1 mln. nəfərə çatıb.

Bu barədə Rusiya Federal Dövlət Statistikası Xidməti açıqlama yayıb.
Qeyd edək ki, bu göstərici 2009-cu ildə də qeydə alınıb. Ötən il isə Rusiyada yoxsulların sayı 19,1 mln. nəfər olub.
Cari ilin ilk yarısında Rusiyada yoxsulluq səviyyəsi 13,5%-dən 14,9%-ə yüksəlib. İlin ikinci yarısında ölkədə adambaşına aylıq yaşayış minimumu 6505 rubl (təxminən 203 dollar), orta aylıq əmək haqqı 23 154 rubl (723 dollar) təşkil edib.