Beyrutdan uçuş həyata keçirən "Türk Hava Yolları"na məxsus təyyarə uğursuz eniş nəticəsində İstanbulun Atatürk hava limanında uçuş-enmə zolağından kənara çıxaraq oradakı qar yığınına çırpılıb. Bu barədə çərşənbə günü "Hurriyet" qəzeti xəbər verir.

Təyyarənin bütün sərnişinləri təcili şəkildə təxliyə ediliblər.

Dünən "Türk Hava Yolları" fevralın 17-18-nə planlaşdırılan 117 daxili reysi istanbulda yağan güclü qar səbəbindən ləğv edib.