Dünya Ana Dili Günü ərəfəsində, İran rejiminin təhlükəsizlik qüvvələri azərbaycanlı milli-mədəni fəallara qarşı öz təzyiqlərini artırıb.
Keçmiş illər kimi, bu il də Güney Azərbaycanda müxtəlif təzyiq, təhdid və tutulmalara şahid oluruq. Məlumata görə, fevralın 17-də Güney Azərbaycanın Xoy şəhərində 3 nəfər azərbaycanlı milli-mədəni fəal həbs edilib. Əmin Hacilu, Araz Xasse Təraş və İslam Əliəkbərlu təhlükəsizlik qüvvələri tərəfindən yaxalandıqdan sonra naməlum istiqamətə aparılıb.

Fəalların ailəsi onların harada saxlandığı və vəziyyəti ilə bağlı bilgi əldə etmək üçün cəhdlər ediblər, lakin onlara bu barədə heç bir məlumat verilməyib.