Baş Dövlət Yol Polisi İdarəsindən (BDYPİ) verilən məlumata görə, fevralın 22-si saat 18.30 radələrində Ələt-Astara yolunun 83-cü kilometrliyində - Salyan rayonunun Şorsulu kəndi ərazisində “VAZ 2106” markalı avtomobillə TİR yük avtomobili toqquşub.

Hadisə nəticəsində “VAZ 2106”-da olan 5 nəfər - sürücü və sərnişinlər yerində ölüb.

Ölənlərin adı və digər təfərrüatlar dəqiqləşdirilir.

Hadisə yerində BDYPİ-nin müstəntiqləri araşdırma aparır.