Şrift:
Azərbaycandan İranın bayraq təxribatına cavab
23.02.2015 [00:18] - Güney Azərbaycan xəbərləri, Güney Azərbaycan-Təbriz
GünAz TV: “İranda bayrağımıza qarşı sayğısızlıq göstərilməsi diplomatik qalmaqaldı”. Bunu azvision.az–a açıqlamasında millət vəkili, Azərbaycan-İran parlamentlərarası əlaqələr üzrə işçi qrupunun üzvi Aydın Mirzəzadə bildirib.
Deputatın (millət vəkili) fikrincə, İranda Azərbaycan bayrağına qarşı bu cür sayğısız münasibət bir neçə dəfə olub və buna İran cavab verməlidir: “İlk öncə onu deyim ki, Yunan-Roma güləşi (firəngi güləş) üzrə Azərbaycan yığmasının ilk dəfə Dünya Kuboku (cam-i cəhani) qazanması özü böyük hadisədir. Çox güclü komandalar (tim) var idi və Azərbaycanın finalda Rusiya kimi güclü bir komandaya qalib gəlməsi tarixi bir hadisədir. Hesab edirəm ki, bu, son günlərin ən sevincli hadisələrindən biridir.
Bayrağımıza qarşı sayğısızlıq isə diplomatik qalmaqaldır. Yəni, İran təşkilatçı ölkə kimi hər bir ölkənin simvollarını olduğu kimi yarışlarda təşkil etməyə məcburdur. Heç bir halda, heç bir milli komandanın bayrağı dəyişdirilə bilməz. Bu artıq həm beynəlxalq hüquq normalarına, həm də beynəlxalq idman qaydalarına zidd olan bir məsələdir. Belə bir hadisə baş verirsə, əlbəttə, Azərbaycana qarşı böyük bir hörmətsizlikdir. Azərbaycan bayrağı konstitusiya (anayasa) ilə qəbul edilib, Azərbaycanın beynəlxalq aləmdə rəsmi tanınan nişanlarından biridir. Onun hər hansısa bir formada dəyişdirilməsi və yaxud da başqa bir formada hörmətsizlik edilməsi yol verlməzdir. Əgər belə bir şey olubsa heç bir şübhəm yoxdur ki, Azərbaycanın dövlət orqanları bu məsələ ilə bağlı həm beynəlxalq idman (vərziş) təşkilatları, həm də İran qarşısında şübhəsiz ki, məsələ qaldıracaq”.
Qeyd edək ki, Yunan-Roma güləşi üzrə milli komandamızın ilk dəfə İranda Dünya Kubokuna sahib olduğu gün bayraq skandalı yaşanıb. Belə ki, mükafatlandırma mərasimindən sonra himnimiz səsləndirilib və ilk üçlükdə yer tutan ölkələrin bayraqları qaldırılıb. Turnirdə birinci yeri qazanan ölkəmizin bayrağı isə təhrif edilmiş formada təqdim edilib. Səkkiz guşəli Azərbaycanın Dövlət Bayrağı beş ulduzlu şəkildə göstərilib. Bu İranda Azərbaycan bayrağına qarşı ilk sayğısızlıq deyildi. Bundan öncə də rəsmi görüşlərdə bayrağımızın bilərəkdən tərsinə asılması böyük səs-küyə səbəb olmuşdu.
Bu xəbər oxucular tərəfindən 486 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed