Şrift:
Bakıda Azərbaycan dəmiryolçularının təşkilatçılığı ilə beynəlxalq seminar keçirilir
30.09.2015 [10:16] - Gündəm, İqtisadiyyat
Bakıda Azərbaycan Dəmiryolçularının Müstəqil Həmkarlar İttifaqı Respublika Komitəsinin təşkilatçılığı ilə beynəlxalq seminar keçirilir.

“Azərbaycan Dəmir Yolları" Qapalı Səhmdar Cəmiyyətinin Mətbuat Katibliyinin rəisi Nadir Əzməmmədovun verdiyi məlumata görə, 30 sentyabr - 1 oktyabr tarixlərində Bakıda Azərbaycan Dəmiryolçularının Müstəqil Həmkarlar İttifaqı Respublika Komitəsinin təşkilatçılığı ilə beynəlxalq seminar keçirilir.

Seminarda Beynəlxalq Əmək Təşkilatının, Nəqliyyatçıların Beynəlxalq Federasiyasının, Dəmiryolçuların və Nəqliyyat İnşaatçılarırının Həmkarlar İttifaqları Beynəlxalq Konfederasiyasının, MDB və Baltikyanı ölkələrin Nəqliyyat işçilərinin 15 həmkarlar ittifaqı təşkilatının nümayəndələri iştirak edir.

Tədbiri giriş sözü ilə Azərbaycan Dəmiryolçularının Müstəqil Həmkarlar İttifaqı Respublika Komitəsinin sədri Fəzail Bağırov açaraq qonaqları salamladı və seminarın işinə uğurlar arzulayıb.

Seminarın əsas mövzusu "Transmilli şirkətlərdə və şəxsi müəsssələrdə həmkarlar ittifaqı təşkilatlarının yaradılması (BƏT-nın 87 və 98-ci Konvensiyalarının icrası)"dır. Seminarın gündəliyinə "BƏT-in 87, 98-ci Konvensiyaları-onların əhəmiyyəti, təcrübə və reallaşdırma problemləri" (məruzəçi Beynəlxalq Əmək Təşkilatının nümayəndəsi Sergius Qlovatskas), "Nəqliyyatçıların Beynəlxalq Federasiyasının 43-cü konqresinin yekunları, onun qərar və qətnamələrinin həyata keçirilməsi proqramı" (məruzəçi Nəqliyyatçıların Beynəlxalq Federasiyasının baş katibi Stiven Kotton) və "Postsovet ölkələrinin dəmir yollarında həyata keçirilən hüquqi-təşkilati dəyişikliklərin sahə həmkarlar ittifaqı hərəkatına təsiri" (məruzəçi Dəmiryolçuların Həmkarlar İttifaqları Beynəlxalq Konfederasiyasının baş katibi Gennadi Kosolapov) mövzularında məruzələr də daxil edilib.

Tədbirdə Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyev, "Azərbaycan Dəmir Yolları" QSC-nin sədri, millət vəkili Cavid Curbanov və Azərbaycan Dəmiryolçularının Müstəqil Həmkarlar İttifaqı Respublika Komitəsinin sədri Fəzail Bağırovun da çıxış etməsi gözlənilir.

Asudə vaxtlarda seminar iştirakçıları üçün Bakının tarixi və görməli yerlərinə ekskursiyalar da təşkil olunub. Tədbir çərçivəsində iştirakçılar "Azərbaycan Dəmir Yolları" QSC-nin və Azərbaycan Həmkarlar İttifaqları Konfederasiyasının rəhbərliyi ilə görüşü də gözlənilir.
Bu xəbər oxucular tərəfindən 686 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed