Soyuq hava kütlələri Rusiyanın cənub regionlarına da çatıb.

“Vesti.ru” saytının yaydığı məlumata görə, hazırda Dağıstanda havanın hərarəti mənfi 15 dərəcəyə çatıb. Xəzər dənizinin bir hissəsi donub, Mahaçqala buxtasında buzun qalınlığı 15 santimetr təşkil edir. Dənizin bir hissəsinin donması neft hasilatında çətinliklər yaradıb. Kəskin şaxtalar qar yağıntısı ilə müşahidə olunur. Yollar buz bağlayıb, Mahaçqalada bütün kommunal xidmətlər gücləndirilmiş iş rejimində çalışır.