İranda fərdi və ictimai azadlıqların olduqca məhdud olması, narkomaniya (mötadlıq) kimi bir çox problemlərə yol açıb.
Güney Azərbaycanın Xoy şəhərində narkotik maddələrinin alqı-satqısı və onun narkomanlar (mötad) tərəfindən istifadə edilməsi adi hala çevrilib. Keçmiş illərdə narkotik maddələrinin alqı-satqısı və istifadəsi təmami ilə gizli mühitdə baş verirdisə, indi vəziyyət dəyişib və narkotik istifadəçiləri bunu gizlətmədən edə bilirlər. Artıq belə səhnələrə şəhər parklarında və hətta xiyabanlarda rast gəlinir.

Məlumata görə, Xoy şəhərinin xəstəxanalarının birində şok edici bir fakta rast gəlinib. Yayılan məlumata görə, xəstələrdən biri yataq təxtinin üstündə oturub və digər xəstələrin gözü qarşısında açıq şəkildə narkotik çəkib. “Urom news” saytı xəstəxananın 3-cü mərtəbəsindən baş verən hadisəni Şok edici bir fakt kimi qiymətləndirib.