Azərbaycanlı məhbus Yunis Ağayan həbs müddətinin 12-ci ilində hələ də Mahabad zindanında müxtəlif cinayətlərdə günahlandırılan şəxslərlə eyni bölümdə həbsdə saxlanılır. O zindan qanunlarına görə siyasi vəya əqidə məhbusları ilə bir bölümdə saxlanılmalıdır.
Y.Ağayan 2004-cü ildə polis qüvvələri ilə bir qrup Əhli-haqq təriqətinə mənsub şəxslərin arasında baş verən silahlı qarşıdurmada tutulub. O məhbuslar üçün nəzərdə tutulan məzuniyyət (murəxəsi) hüququndan da məhrum edilib.

Y.Ağayan yaxalandıqdan sonra İnqilab Məhkəməsi tərəfindən “müharib” ittihamı ilə 5 il həbs və edam cəzasına məhkum edilib. Məhbusun barəsində çıxarılan hökm sonralar ömürlük həbs qərarı ilə əvəz edilib.