Şrift:
Əfruziyan qardaşları müvəqqəti azadlığa buraxılıb
21.12.2015 [13:19] - Güney Azərbaycan xəbərləri, Güney Azərbaycan-Təbriz
Azərbaycanlı milli-mədəni fəallar Səccad və Fərdin Əfruziyan 40 gün saxlandıqdan sonra müvəqqəti azadlığa buraxılıb.
Onlar dekabrın 19-da (azərin 28-də) hər biri 100 milyon tümənlik mülki vəsiqə qarşılığında Təbriz zindanından müvəqqəti azadlığa buraxılıb.
Noyabrın 9-da (abanın 18-də) Güney Azərbaycanda fars irqçiliyinə qarşı etiraz aksiyalarının son dalğası başladıqdan sonra, Əfruziyan qardaşları noyabrın 10-da təhlükəsizlik qüvvələri tərəfindən tutulub. Fəallar Məlikan şəhərində öz şəxsi evlərində hökumət qüvvələrinin hücumuna məruz qalaraq gecə saat 1 radələrində yaxalanıblar.

Bir müddət öncə Təbriz zindanına intiqal edilən fəallar müstəntiq tərəfindən çıxarılan müvəqqəti həbs qərarı ilə təcridxanada saxlanıldı.

Adını çəkdiyimiz fəallar bundan öncədə Azərbaycan türk millətinin milli və mədəni hüquqları uğrunda apardıqları dinc mübarizəyə görə müxtəlif təzyiqlərə məruz qalıb və saxlanılıblar.
Bu xəbər oxucular tərəfindən 628 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed