Təbrizin “Traxtur” futbol klubu yeni oyunçu axtarışına çıxıb.
Məlumata görə, Tehranın “Neft” klubu Alvis Nanqı istəyən klublara onunla müzakirə aparmağa razılıq verib.

“Traxtur”un baş məşqçisi Əmir Qələnoi komandasının hücum xəttini gücləndirmək üçün kamerunlu futbolçunu öz komandasında görmək istəyir.

İlkin məlumatlara görə, Nanq “Traxtur”a qoşulmaq üçün yüksək məbləğdə pul təklif edib, “Traxtur” klubu isə bu məbləğin azaldılmasını istəyib.

Qeyd edək ki, “Traxtur” klubu komandaya bir güclü hücumçu cəlb etmək istəyir. Lusanyo Edinho, Pəyam Sadeqiyan və Alvis Nanq baş məşqçi Əmir Qələnoinin üstünlük verdiyi hücumçulardır.