Güney Azərbaycanın Poldəşt şəhərində ağır yol qəzası baş verib.
Makı Şəhər Yol Polisi İdarəsinin rəisi bildirib ki, Poldəştə “Zantiya” markalı maşının aşması nəticəsində 3 nəfər ölüb, 2 nəfər yaralanıb.

Kapitan Şahin İsməilzadə cümə günü hadisə yerinə baxış keçirərkən bildirib ki, “Poldəşt-Boralan yolunda baş verən yol qəzasında 3 sərnişin hadisə yerində keçinib, 2-i isə ağır xəsarət alıb. Yaralanan sərnişinlər Poldəşt xəstəxanasına çatdırılıb.”

Kapitan İsməilzadə əlavə edib ki, hadisə “Zantiya” markalı maşının yoldan çıxıb və aşması nəticəsində baş verib.

Yol Polisi İdarəsinin sözlərinə görə, xəsarət alan sərnişinlərin vəziyyəti ağırdır.