Şrift:
“Anamın kitabı” yenidən səhnədə
01.02.2016 [11:40] - Gündəm, Afişa, Mədəniyyət
Azərbaycan Dövlət Akademik Milli Dram Teatrının səhnəsində C.Məmmədquluzadənin “Anamın kitabı” pyesi əsasında hazırlanmış eyniadlı tamaşa nümayiş edilib.

Teatrın mətbuat xidmətindən bildirilib ki, iki hissəli tragikomediya Əməkdar Artist Firudin Məhərrəmovun quruluşunda təqdim olunub. Səhnə əsərinin quruluşçu rəssamı Ülviyyə Zərbalıyeva, musiqi tərtibatçısı isə Həmid Kazımzadədir. Səhnə əsərində əsas rolları Əməkdar artistlər Səidə Quliyeva, İradə Həsənova, Ayşad Məmmədov, Kazım Həsənquliyev, Aslan Şirin, aktyorlar Anar Heybətov, Hikmət Rəhimov, Ramin Şıxəliyev və başqaları ifa edib.

1920-ci ildə qələmə alınmış pyesin əsas ideyası Vətənə, xalqa, ana dilinə sadiq olmağa çağırışdır. Əsərdə müxtəlif dövlətlərə meyli olan ziyalıların səhv yol tutduqları tənqid olunur. Müəllifə görə, xalqın nicat yolu kiminsə, hansı dövlətinsə ağuşuna atılmaq yox, Vətən ideyası ətrafında birləşməkdədir.
Bu xəbər oxucular tərəfindən 733 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed