Şrift:
“Gürcüstanda Borçalı Türk toponimləri bərpa olunsun”- VİDEO
18.02.2012 [12:02] - Borçalı
Borçalı gəncləri aksiya keçirdi

40-a yaxın gənc Gürcüstan səfirliyi önündə Gürcüstanda dəyişdirilmiş Türk kənd adları və Qardabani və Saqareco rayonunun kəndlərində torpaq islahatı prosesində soydaşlarımızın hüquqlarının bərpa olunması tələbilə etriaz aksiyası keçirmişdir. Aksiyada “Rədd olsun separatizm”, “Yaşasın dostluq və qardaşlıq”, “Azərbaycan Gürcüstan dostluğunu pozan bizim düşmənimizdir”, “Gürcüstanda Borçalı Türk toponimləri bərpa olunsun”, “Gürcüstanda Borçalı Türklərinin torpaqları bərpa olunsun”, “Adımız haqqımızdır, haqqımızı qaytarın” və s. şüarlar səsləndirilmişdir. Daha sonra gənclərin hazırladığı qətnamə oxunmuş səfirliyə təqdim olunmuşdur. Daha sonra səfirlik nümayəndələri təşəbbüs qrupunun üzvlərindən biri, “Borçalı” Cəmiyyəti Gənclər Təşkilatının İH-nin sədri Alı Adıgözəli qəbul etmiş, müxtəlif fikir mübadiləsi aparılmışdır.

QƏTNAMƏ

Biz gənclərin məqsədi Azərbaycan və Gürcüstan dövlətləri, iki qardaş xalq arasında münasibətlərin daha da yaxşılaşdırılmasına, Gürcüstanda yaşayan Azərbaycanlıların Gürcüstan cəmiyyətinə qarşılıqlı inteqrasiya olunmasından ibarətdir. Biz etnik separatizmi qətiyyətlə lənətləyir, Gürcüstanı bölmək istəyənlərə qarşı mübarizə aparırıq.

Hal hazırda Gürcüstanda Borçalı türklərinin bir sıra problemləri var. Onlardan yüz illərlə tarixi olan bir sıra Borçalı türk kəndlərinin adlarının 1991-92-ci illərdə əsassız olaraq dəyişdirilməsi və torpaq üzərində mülkiyyət hüququnun məhdudlaşdırılması bu qəbildən olan problemlərdir. Fikrimizcə burada əsas məqsəd yeni etnik separatizm ocağı, Gürcü - Azərbaycan qarşıdurması yaratmaqdır.

Artıq demokratik Gürcüstan qurulur. Zaman yetişmişdir. Bolnisi rayonunda 1991-92-ci illərdə Borçalı türk milli kimliyinə təcavüz olunmuş və bu tarixi ləkəni gürcü elitası –demokratları gürcü tarixindən silməlidirlər. Həmçinin son bir ilə yaxın bir müddətdir Qardabani və Saqareco (Qaraçöp) rayonunda torpaq islahatı adı altında yerli əhalinin yeganə dolanışıq yeri olan əkin və otlaq təyinatlı torpağın yerli əhalinin icarə müqaviləsi olmasına baxmayaraq, qəfil “işbazlar” tərəfindən əhalinin əlindən alınmasının yaratdığı problem həll olunmamış qalmaqdadır. Biz Gürcüstan siyasi hakimiyyətindən bu ədalətsizliklərə son qoyulmasını istəyirik!

Biz bu qətnamədə 100 minlərin fikrini, yüzlərlə elm, incəsənət, mədəniyyət nümayəndələrinin, siyasi elitanın fikrini ifadə edirik. Bunları nəzərə almağınızı xahiş edirik. Gürcüstan hakimiyyətinə bu mövzuda dəfələrlə etirazılar müxtəlif formalarda verilib. Təəssüflər olsun ki, bu problemlər hələdə öz həllini tapmır. Biz ədalətin bərpasına inanır və Gürcüstan siyasi hakimiyyətindən tələb edirik:

Gürcüstan siyasi hakimiyyəti demokratiya nümunəsi göstərərək soydaşlarımızın (Borçalı Türklərinin) hüquqlarına biganə olmasınlar.
Əsassız olaraq 1991-1992-ci illərdə, xüsusilə Bolnisi rayonunda dəyişdirilmiş kənd adlarının əvvəlki adları bərpa olunsun
Borçalı türklərinin torpaq problemi, xüsusilə son zamanlar Qardabani rayonu və Saqareco rayonunun kəndlərində torpaq islahatı prosesində soydaşlarımızın pozulan hüquqları bərpa olunsun!


Bu xəbər oxucular tərəfindən 3586 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed