Şrift:
Azərbaycan Respublikasının Tehrandakı səfiri Cavanşir Axundov yenidən İran Xarici İşlər Nazirliyinə çağırılıb
19.03.2012 [14:56] - Siyasət
Martın 17-də Azərbaycan Respublikasının Tehrandakı səfiri Cavanşir Axundov yenidən İran Xarici İşlər Nazirliyinə çağırılıb.
İranın “Fars” agentliyi bildirir ki, görüşdə Azərbaycan Milli Təhlükəsizlik Nazirliyinin İranın rəsmi qurumlarından birinə (İran İnqilab Keşikçiləri Korpusu ( “Sepah”) nəzərdə tutulur – red.) qarşı irəli sürdüyü ittihamlara etiraz ifadə edilib.

İran rəsmiləri qeyd ediblər ki, Azərbaycan hökumətinin bu hərəkəti 10 gün əvvəl Naxçıvanda keçirilən iclasda hər iki ölkənin xarici işlər nazirlərinin, eləcə də Azərbaycan müdafiə nazirinin Tehran səfərində əldə etdiy razılıqlara ziddir.

Görüşdə həmçinin “sionist rejimi”nin müxtəlif ölkələrdə İrana qarşı oxşar ittihamlar irəli sürdüyü vurğulanıb, qardaş və dost Azərbaycanın bu “kimi oyunlara girməsinin” narahatlığa səbəb olduğu bildirilib.

Azərbaycan Respublikası hökumətinin İranla əlaqələrin genişləndirilməsində maraqlı olduğunu vurğulayan Cavanşir Axundov İranın bu narahatlığını təmsil etdiyi hökumətə çatdıracağını söyləyib.

Martın 14-də Azərbaycan Milli Təhlükəsizlik Nazirliyi “Sepah”la əməkdaşlıqda günahlandırılan, Azərbaycanın dövlət təhlükəsizliyi zərərinə casusluq etməklə dövlətə xəyanətdə təqsirli bilinən 22 nəfəri həbs etdiyi barədə məlumat yayıb
Bu xəbər oxucular tərəfindən 1132 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed