Aprelin 6-da Təbrizin “Bunyan-i Dizel” stadionunda tutulan iki azərbaycanlı milli-mədəni fəal bir neçə saat saxlandıqdan sonra səbəst buraxılıb.

Əkbər Muhaciri və Sədulla Mədəni təhlükəsizlik qüvvələri tərəfindən dindirildikdən sonra vəsiqə qarşılığında müvəqqəti olaraq azadlığa buraxılıb.

Təbrizin “Qostəreşe fulad” komandası ilə Tehranın “İstiqlal” takımı arasında keçirilən yarış zamanı saxlanılan fəalların nədə ittiham olunduqları hələ də məlum deyil.

Xatırladaq ki, Əkər Muhaciri bundan öncə də Azərbaycan türk millətinin milli və demokratik hüquqları uğrunda apardığı dinc mübarizəyə görə dəfələrlə təhlükəsizlik qüvvələri tərəfindən saxlanılıb, həbs cəzası ilə üzləşib və müxtəlif təzyiqlərə məruz qalıb.