Təbrizin “Traxtur” futbol takımı Məşhədin “Pədidə” komandasını öz meydanında məğlub etdi.

İran üzrə super liqa yarışlarının 27-ci həftəsində keçirilən görüş yerli vaxtla saat 17:00-da Məşhədin “Samin-ol Əemmə” stadionunda başlayıb, 1:0 hesabı ilə Azərbaycan komandasının xeyirinə başa çatıb.

“Traxtur”a qələbə qazandıran qol oyunun 9-cu dəqiqəsində Hadi Məhəmmədi tərəfindən vurulub.

Bu nəticədən sonra “Traxtur” 50 xalla (imtiyaz) müvəqqəti olaraq turnir cədvəlinin 2-ci pilləsində qərarlaşıb.