Türkiyədə PKK terrorçularının törətdiyi partlayış nəticəsində 1 türk əsgəri şəhid olub.
Hadisə Ağrı vilayətinin Doğubəyazid rayonunda, Gürbulaq adlanan ərazidə baş verib.
Belə ki, PKK terrorçularının partlayıcı qurğunu işə salması nəticəsində 1 türk əsgəri yaralanıb. O, xəstəxanaya yerləşdirilsə də, hərbçinin həyatını xilas etmək mümkün olmayıb.
Hadisədən dərhal sonra bölgəyə təcili yardım və təhlükəsizlik qüvvələri cəlb edilib.
Hadisə ilə bağlı Türkiyənin baş naziri Bineli Yıldırım "Twitter"də başsağlığı verib.