Şrift:
Gürcüstan teatrı Bakıya qonaq gəlir
16.05.2017 [10:18] - Mədəniyyət
Gürcüstan Dövlət Peşəkar Gənc Tamaşaçılar Teatrı mayın 19-22-də Azərbaycan Dövlət Gənc Tamaşaçılar Teatrının qonağı olacaq.
Teatrın mətbuat xidmətindən verilən məlumata görə, qonaqlar L.Titova və A.Starotorjskinin “Королевская корова” (“Kralın inəyi”) tamaşası ilə çıxış edəcəklər.
Tamaşanın quruluşçu rejissoru Quram Breqadze, rəssamı Lomqul Murusidze, xoreoqrafı Qiya Marqaniya, musiqi tərtibatçısı Zurab İnqorokvadır.
Əsas obrazların ifaçıları Sergey Şvedkov, Tamara Tsikvitinidze, Nino Mumladze, Den Xlıbov, Anna Lejava, Edmon Qabedava, Aleksey Lobov, Nikolay Doniy, Levan Qvazavadır.
Səfər çərçivəsində ADGTT-nın əməkdaşları tərəfindən qonaqların şəhərin görməli yerləri ilə tanışlıqlarını təmin etmək üçün mədəni proqram da nəzərdə tutulub.
Bu xəbər oxucular tərəfindən 228 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed