“Hesab edirəm ki, Şuşa yalnız müharibə yolu ilə azad olunmalıdır və yəqin ki belə də olacaq”.

Bunu jurnalistlərə açıqlamasında Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının sədri, millət vəkili Azay Quliyev deyib.

Millət vəkilinin sözlərinə görə, bütün dünya ictimaiyyəti bilməlidir ki, Azərbaycan heç zaman Şuşanı güzəştə getmək niyyətində olmayıb və olmayacaq: “Ermənilər də anlamalıdır ki, tez-gec Şuşa işğaldan azad olunacaq. Azərbaycan bu istiqamətdə həm hərbi, həm siyasi gücünü artırır”.