Şrift:
Prezident “Məişət zorakılığının qarşısının alınması haqqında” qanuna dəyişikliyi təsdiqləyib
08.08.2017 [09:59] - Xəbərlər, Siyasət
“Məişət zorakılığının qarşısının alınması haqqında” qanuna dəyişiklik təsdiqlənib.
Bununla bağlı sənədi Prezident İlham Əliyev imzalayıb.
Bu qanun yaxın qohumluq münasibətlərindən, birgə və ya əvvəllər birgə yaşayışdan sui-istifadə etməklə törədilən zorakılığın, onun doğurduğu mənfi hüquqi, tibbi və sosial nəticələrin qarşısının alınması, məişət zorakılığından zərər çəkmiş şəxslərin sosial müdafiəsi, hüquqi yardımla təmin edilməsi, habelə məişət zorakılığına səbəb olan halların aradan qaldırılması istiqamətində həyata keçirilən tədbirləri müəyyən edir və tənzimləyir.
Dəyişikliklə qanunun 12.4-cü maddəsi yeni redaksiyada verilir. Belə ki, yeniliyə əsasən, uzunmüddətli mühafizə orderinin verilməsi barədə məhkəmə qərarı dərhal icraya yönəldiləcək və həmin vaxtdan uzunmüddətli mühafizə orderinin müddəti hesablanacaq.
İndiyədək isə maddə belə idi: Uzunmüddətli mühafizə orderinin verilməsi barədə məhkəmə qərarı qanunvericiliyə uyğun olaraq qüvvəyə minir və müddəti hesablanır. Uzunmüddətli mühafizə orderinin verilməsi barədə qərar qanunvericiliyə uyğun olaraq icraya yönəldilir.
Bu xəbər oxucular tərəfindən 93 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed