Sentyabrın 15-i yerli vaxtla saat 19:00-da Təbrizin səhənd stadionunda başlayan görüş bərabər hesabla sona çatıb.

İran üzrə futbol klublarının super liqa yarışlarının 6-cı həftəsində keçirilən görüşdə Təbrizin “Traxtur” və Məşhədin “Siyah Cameqan” komandaları üz-üzə gəlib.

1:1 bərabər hesabla yekunlaşan oyunun 85-ci dəqiqəsində “Siyah Cameqan” tərəfindən Mirhani Haşimi, 92-ci dəqiqədə isə “Traxtur” tərəfindən Fərzad Hatəmi qol vurublar.

Bu nəticədən sonra “Traxtur” turnir cədvəlinin 8-ci, “Siyah Cameqan” isə 7-ci pilləsində qərarlaşıb.