Suriyanın paytaxtı Dəməşqdən yayımlanan Müəmmər Qəddafi tərəfdarlarına məxsus «Errai» televiziyası keçmiş Liviya liderinin oğlu Xamisin öldürüldüyünü təsdiq edib. Məlumata görə, xüsusi təyinatla qoşun birləşməsinin komandiri Xamis Qəddafi hələ avqustun 29-da qətlə yetirilib. Keçid Milli Şurasına məxsus hərbçilərin Tarhuna şəhərində keçirdikləri əməliyyat nəticəsində Xamisin əmisi oğlu Məhəmməd və təhlükəsizlik idarəsinin şefi Abdulla əs-Şənusi də öldürülüb.