İran polisi Tehranda keçirilən Beynəlxalq Qida Sərgisinə basqın edib.Buna sərgidəki stendlərdə dayanan qadınların İrandakı qayda-qanunlara düzgün riayət etməmələri, çadranı, hicabı düzgün geyinməmələri səbəb olub.Buna görə 80 stend qapadılıb.Iran hüquq-mühafizə qüvvələrinin komandanı, general İsmayıl Əhmədi Müqəddəm hadisə ilə bağlı bunları deyib: “Qadınlara xəbərdarlıq etdik, ancaq onlar xəbərdarlığımızı diqqətə almadılar. Ona görə də biz stendləri bağladıq”.Qadınlara cəza verilib-verilmədiyi bilinmir.Qeyd edək ki, mayın 30-da başa çatan sərgiyə Avstriya, Çin, Fransa, Almaniya, Hindistan, İtaliya, Cənubi Koreya, İspaniya və Türkiyədən şirkətlər qatılıb.