Nyu-Yorkun Manhetten rayonunda baş verən terror aktı nəticəsində həlak olanların sayı 8-ə çatıb. Bundan əlavə, bir neçə nəfərin də yaralandığı bildirilir.

Şəhər polisinin verdiyi məlumata görə, terror aktı Florida ştatının Tampa şəhərindən olan 29 yaşlı Sayfullo Saipovun kirayə götürülmüş yük avtomobilini piyadaların və velosipedçilərin üstünə sürməsi nəticəsində baş verib. Hadisənin yerli vaxtla təxminən saat 3:05-də törədildiyi bildirilir.

Şahidlər qeyd ediblər ki, cinayətkar avtomobili piyadaların üstünə sürdükdən sonra iki tapança ilə onlara atəş açmağa çalışıb. Lakin polis işçilərinin vaxtında müdaxiləsi nəticəsində cinayətkar güllə ilə vurularaq zərərləşdirilib.