Şrift:
Dağıstanın müvəqqəti rəhbəri Rusiya-Azərbaycan sərhədindəki vəziyyəti həll etməyi tapşırıb
07.11.2017 [11:05] - Dərbənd
Dağıstanın rəhbəri vəzifəsini müvəqqəti icra edən Vladimir Vasilyev Rusiya-Azərbaycan sərhədindəki "Yaraq-Qazmalar" sərhəd-buraxılış məntəqəsində yaranmış vəziyyəti araşdırmaq, avtomobillərinin gecikməsində günahkarları müəyyən etmək və Azərbaycanla sərhəddə nəqliyyat vasitələrinin standart keçidini təmin etmək ilə bağlı təlimat verib.
Adıçəkilən sərhəd-buraxılış məntəqəsində yük avtomobillərin sürücüləri fitosanitar və gömrük xidmətlərinin qanunsuz pul toplanması və nəticədə sərhəddə avtomobillərdən ibarət bir neçə kilometrlik növbə yaranması ilə bağlı etiraz aksiyası keçirirlər.
Gömrük işçiləri sürücülərdən yığılan vəsaitlərin tam qanunauyğun şəkildə olduğunu bildirir, amma yük avtomobillərinin sürücüləri ödəniş qarşılığında heç bir çek və ya qəbz verilmədiyini bildirirlər.
Vəziyyəti aydınlaşdırmaq üçün "Yaraq-Qazmalar" sərhəd-keçid məntəqəsinə Moskvadan komissiya göndərilib.
Dağıstan Gömrük Xidmətinin rəis müavini Hacımurad Şamxalov dağıstanlı sürücüləri təhqir edən əməkdaşın artıq işdən azad olunduğunu açıqlayıb.
Bu xəbər oxucular tərəfindən 18 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed