Şrift:
“Müslüm Maqomayev gənclərin ifasında” adlı müsabiqə
15.11.2017 [10:56] - Mədəniyyət, Bildiriş
Mədəniyyət və Turizm Baş İdarəsinin təşkilatçılığı ilə noyabr-dekabr aylarında görkəmli Azərbaycan müğənnisi, SSRİ Xalq artisti, dünya şöhrətli vokal və estrada ifaçısı M.Maqomayevin 75 illik yubileyinə həsr olunmuş "Müslüm Maqomayev gənclərin ifasında" adlı müsabiqə keçiriləcək.
Müsabiqənin əsas məqsədi respublikamızda vokal və estrada oxuma sənətinin inkişaf etdirilməsi, gənc istedadların aşkara çıxarılması, onların ifaçılıq səviyyələrinin yüksəldilməsi və dəstəklənməsidir.
Vokal və estrada oxuma üzrə keçirilən müsabiqədə Bakı şəhərində fəaliyyət göstərən musiqi və incəsənət məktəblərində təhsil alan şagirdlər iştirak edə bilərlər. Müsabiqə 1 turdan ibarət olaraq, 8-16 yaşlı uşaq və yeniyetmələr arasında 2 nominasiya (vokal və estrada oxuma) və 3 qrup (I qrup: 8-10 yaş, II qrup: 11-13 yaş, III qrup: 14-16 yaş) üzrə keçirilir.
İştirakçıların çıxış proqramı və sənədlər 05 dekabr tarixindən gec olmayaraq Bakı şəhəri, M.Maqomayev adına 26 nömrəli onbirillik musiqi məktəbinə göndərilmələri xahis olunur.
Bu xəbər oxucular tərəfindən 12 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed