Milli-mədəni fəallara qarşı təzyiqlər davam edir. Məlumata görə, Həmid Mənafi Nadarlı Xoy şəhərinin inqilab məhkəməsinə çağırılıb.Məhkəmə iclası 2012-ci il iyunun 26-da (1391-ci il tirin 6-da) inqilab məhkəmənin 1-ci şöbəsində keçiriləcək. Azərbaycanlı fəal təhlükəsizlik və asayişi pozmaq məqsədi ilə toplaşmaqda ittiham edilir.
Qeyd edək ki, Həmid Mənafi Nadarlı bundan öncədə dəfələrlə təzyiqlərə məruz qalıb və saxlanılıb. O, tanınmış azərbaycanlı fəal mərhum Cəfərzadə ailəsinin dəfn mərasimi, Urmu Gölü ilə bağlı keçirilən kütləvi etiraz yürüşləri və Milli Qiyamın (2006-cı il may hadisələri , 1385-ci il xordad hadisələri) ildönümü mərasimi zamanı yaxalanıb və bir müddət saxlanıldıqdan sonra azadlığq buraxılıb.