Şrift:
"Milan" 9 il əvvəlki məğlubiyyətsizlik göstəricisini təkrarlayıb
01.03.2018 [10:58] - İdman
İtaliyanın “Milan” futbol komandasının baş məşqçi Cennaro Qattuzonun rəhbərliyi altında məğlubiyyətsizlik seriyası 13-ə çatıb.
“Report” xəbər verir ki, “rossonyerlər" buna İtaliya Kubokunda yarımfinal mərhələsinin cavab matçında “Latsio”nu üstələməklə nail olublar. Həm ilk, həm də cavab oyununun əsas və əlavə vaxtında hesab açılmayıb. “Milan” rəqibinə penaltilər seriyasında qalib gəlib – 5:4.
"Qırmızı-qaralar" sonuncu dəfə 2009-cu ildə ardıcıl 13 görüşdə uduzmayıb.
Qeyd edək ki, “Milan” mayın 9-da keçiriləcək final matçında “Yuventus”la qarşılaşacaq. Bu komanda, həmçinin Avropa Liqasının 1/8 finalında İngiltərənin “Arsenal” komandası ilə üz-üzə gələcək. İlk oyun martın 8-də Milanda, cavab oyunu isə bir həftə sonra Londonda keçiriləcək.
Bu xəbər oxucular tərəfindən 353 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed