Azərbaycan şahmatçısı Azər Mirzəyev Katmanduda (Nepal) keçirilən beynəlxalq turnirdə ikinci yer tutub.

Sonuncu - 9-cu turda şahmatçımız hindistanlı Harşa Baratakoti ilə heç-heçə oynayıb. Həmyerlimiz və daha 6 iştirakçı 7 xal toplayaraq, yarışları başa vurublar. Lakin ən yaxşı əlavə əmsal A.Mirzəyevdə olduğundan, o, ikinci yerə layiq görülüb.

Qələbə sevincini isə rəqiblərini 0,5 xal üstələyən Harşa Baratakoti yaşayıb.