Şrift:
Yaxşı söz eşidəndə... və yaxud mənim söz oyunum
13.06.2018 [09:40] - Gündəm, DAVAMın yazıları
Böyrütikan, çiyələk...
Güıməlisə,de gülək.

Bu qarpızdır,bu yemiş,
hər ikisi suya həris,görməmiş...
Əmimgilin həyətində var əzgil,
Var köhnə gül, təzə gül,
Təzəgül..

Bu ağac da -əbrişim,
Onun ilə nə işim...
Şabalıda deyirlər
Şah Palıd,ulu palıd....
Amma görən olmayıb
hələ nökər,qul palıd.

Ağacdakı qoza bax,
pambıq qozası kimi...
Heç nəyin dozası yox,
onun dozası kimi...

Bu qırmızı,albalı,
olub hamının malı..
Aha... Bu ki gilasdır...
təravətli,ətlidir.
Tutun üstündəki xətt,
nə qıyğacı xətlidir...

Şaftalılar suludur,
Başqa adı,səhv deyilsə,huludur.
Eh... Dilimiz -xəzinə,
uzaq qaça bilmirik...
Düyün düşən sözləri
çox vaxt aça bilmirik.


Sözlərin mənasın ,
axtarırıq, çözürük....
çətinliyə dözürük...
Bir sözü səhv deyəndə
xəcalətdən xəcil olub ölürük...


Sözləri öldürməyin,
söz öləndə, itəndə,
dəli olub ölürük...
Özünüzü dəliliyə qoymayın,
yaxşı sözü yaşatmaqdan,
diriltməkdən doymayın.
***

Söz oyunu, oyunu...
Olsun sənin oyunun....
Ey insanlar,nüktədanlar!..
Yaxşı sözlə həmişə
qürrələnin , öyünün,
yaxşı söz eşidəndə,
fərəhlənin,sevinin....

12.06.2018
Bu xəbər oxucular tərəfindən 49 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed