Şrift:
Fərəc Quliyevin Ramazan bayramı münasibətiylə təbriki
14.06.2018 [12:39] - Xəbərlər, MDH, Bildiriş, Fərəc Quliyev
Fərəc Quliyev Ramazan bayramı münasibətiylə dünya azərbaycanlılarını təbrik edib. Təbrikdə deyilir:

“Əziz soydaşlar!
Bayrağımızda ifadə olunan İslamın mənəviyyatı möhkəmləndirmək və yaymaq mahiyyəti xalq düşüncəsinin və dövlət siyasətinin göstəricisidir. Öz milli, mənəvi və əxlaqi dəyərlərinə, tarixi ənənələrinə həmişə sadiq qalmış Azərbaycan xalqı müqəddəs kitabımız Qurani-Kərimin nazil edildiyi Ramazan ayını fərəh hissi ilə yaşayır və mənəvi mahiyyətini dərk edərək Ramazan bayramını qeyd edir.
Əziz soydaşlar!
Sizi şəxsim və sədrlik etdiyim Milli Dirçəliş Hərəkatı Partiyası üzvləri adından İslamın bu mübarək Ramazan bayramı münasibətilə təbrik edirəm. Tanrıdan tutulan orucların, qılınan namazların və edilən duaların qəbul olunmasını diləyir, ailələrinizə xoşbəxtlik, süfrələrinizə bol ruzi-bərəkət arzulayıram. Uca yaradan xalqımıza firavanlıq, Vətənimizə bütövlük, dövlətimizə qüdrətli olmağı nəsib etsin, bu yolda apardığımız mübarizədə bizə yar və yardımçı olsun!
Amin!”
Bu xəbər oxucular tərəfindən 191 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed