“Vətənpərvər” Azərbaycanın Misirdə Diaspor Təşkilatları Birliyinin təşkilatçılığı ilə Qahirədə Qurban bayramı münasibətilə tədbir keçirilib.

Ölkəmizin Misirdəki diaspora təşkilatı tərəfindən beş min nəfərdən çox misirli və aralarında azərbaycanlı tələbələr də olmaqla 60-dan çox ölkədən Misirdə təhsil almaq üçün gələn tələbələrə 7,5 tondan çox qurban əti paylanılıb.

Birliyin sədri, tədqiqatçı-alim Seymur Nəsirov çıxışında bu kimi fəaliyyətlərə 15 il öncə başladığını və bundan sonra da davam etdirəcəyinə çalışacağını qeyd edib. O bunun xalqlarımız arasında dostluq əlaqələrinin daha da inkişafına xidmət etdiyini bildirib.

Qeyd edək ki, S.Nəsirov hazırda Misirdə təhsil alan 58 ölkədən olan 1000-dən çox tələbəyə rəhbərlik edir. 20 ildən çoxdur ki, ərəb mənbələrində Azərbaycanla bağlı tədqiqat aparır və Qahirə universitetində Azərbaycan dilini tədris edir.



Asya Hacızadə