Şrift:
İraqın Bəsrə şəhərindəki nümayişlərdə 7 nəfər ölüb
05.09.2018 [09:16] - Gündəm, Siyasət
İraqın cənubunda yerləşən Bəsrə şəhərindəki nümayişlərdə təhlükəsizlik qüvvələrinin atəş açması nəticəsində 7 nəfər həyatını itirib.

Anadolu agentliyi xəbər verir ki, hadisələrdən sonra şəhərdə küçələrə çıxmaq qadağan edilib.

Bəsrədəki yerli mənbələrdən alınan məlumata görə, şəhərdə kommunal xidmət məhdudiyyəti səbəbindən başlayan aksiyalara təhlükəsizlik qüvvələri sərt şəkildə müdaxilə edib. Müdaxilə nəticəsində ölənlərlə yanaşı, 30-dan çox insan yaralanıb.

İraq neftinin təxminən yüzdə səksəninin çıxarıldığı Bəsrə vilayətində xalq iki aydır işsizlik, elektrik böhranı və dövlət xidmətlərində baş verən çatışmazlıqlar səbəbindən mitinqlər keçirir.
Bu xəbər oxucular tərəfindən 118 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed