Şrift:
Güləşçilərimiz beynəlxalq turnirdə üç medal qazanıblar
08.09.2018 [10:08] - Köşə yazarları, İdman
Rusiya Federasiyasının Saxa Respublikasının Yakutsk şəhərində Dmitri Korkinin xatirəsinə həsr olunan sərbəst güləş üzrə beynəlxalq turnir davam edir.

Azərbaycan Güləş Federasiyasından bildiriblər ki, yarışda məşqçi Əşrəf Əliyevin rəhbərliyi altında ölkəmizi 7 güləşçi təmsil edir. Sentyabrın 7-də üç güləşçimiz fəxri kürsüyə qalxıb. Nurməhəmməd Hacıyev (97 kq) qızıl, Pərviz İbrahimov (57 kq) gümüş, Hacımurad Ömərov (74 kq) isə bürünc medal qazanıb.

Bundan başqa, 61 kiloqram çəki dərəcəsində güləşən idmançılarımızdan Əhmədnəbi Qvarzatilov yarışın finalına yüksəlib. Həmin çəkidə yarışan Məhəmmədhacı Kasumov mübarizəni dayandırıb. İbrahim Yusubov (79 kq) isə bürünc medal qazana bilər. Ə.Qvarzatilov və İ.Yusubov həlledici görüşlərini sentyabrın 8-də keçirəcək.
Bu xəbər oxucular tərəfindən 187 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed