Şrift:
Yaponiya “Kounotori-7” kosmik yük gəmisinin orbitə buraxılmasını təxirə salıb
15.09.2018 [09:49] - Xəbərlər, İqtisadiyyat
Yaponiyada “Kounotori-7” kosmik yük gəmisini kosmosa çıxaracaq H2B raketinin buraxılışı təxirə salınıb.

Yaponiya Aerokosmik Məkanın Mənimsənilməsi Agentliyi (JAXA) xəbər verir ki, raketin buraxılışı starta 30 dəqiqə qalmış dayandırılıb. Sentyabrın 11-də də analoji vəziyyət qeydə alınmışdı.

“Kounotori-7” BKS-yə stansiyanın göyərtəsində aparılan eksperimentlərin nəticələrini Yerə gətirməli olan kapsulu çatdıracaqdı. Kapsulun lazım olan yükü təhlükəsiz şəkildə Yerə çatdıracağı ilə bağlı yoxlamaların davam etdiriləcəyi bildirilir. Bundan əlavə, iki kiçik STARS-Me süni peykindən ibarət eksperimental komplekt də diqqəti cəlb edir. Həmin komplektlər kosmik liftin quraşdırılması istiqamətində ilk addım olacaq.

Raketin növbəti buraxılış tarixi barədə məlumat verilmir.

Vüqar Ağayev
Bu xəbər oxucular tərəfindən 170 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed