İşimin-gücümün yox vaxtlarında,

Deməli, günümün çox vaxtlarında,

Gözümün dünyadan tox vaxtlarında

Dünyanı döyürəm barmaqlarımla..



Baxıram,hər tərəf güldür, çiçəkdir,

Biri 0 birindən daha göyçəkdir.

Çox sözdən kim isə inciyəcəkdir-

Sözümü öyürəm barmaqlarımla



Naşının sözünü çeynəmək olmur,

Söz - sov da qurtarıb, küyləmək olmur.

Hər sözü hündürdən söyləmək olmur-

Pisləri söyürəm barmaqlarımla.



Gülləerə baxıram,güllər xoş gəlir,

İllər keçib gedir,illər boş gəlir,

Əllərim çiçəyə, gülə tuş gəlir-

Sözümü deyirəm barmaqlarımla...



Hər gülün sığalı -heyrət,möcüzə,

İllər nə tez gəldi görün bir necə?!..

Yadımdan çıxan söz gəldi indicə-

Ömrümə xeyiirəm barmaqlarımla.


Bakı,