Şrift:
Metronun “Bakmil” stansiyasında təmirin bu ilin sonunadək bitməsi planlaşdırılır VİDEO
19.10.2018 [10:51] - Gündəm, İqtisadiyyat
Bakı Metropoliteninin “Bakmil” stansiyasında təmirin bu ilin sonu, gələn ilin əvvəlinədək yekunlaşdırılması planlaşdırılır.

Bu barədə “Bakı Metropoliteni” QSC-nin sədr müavini Hidayət Məmmədov eksklüziv açıqlamasında deyib.

O bildirib ki, “Bakmil” metro stansiyası Bakı metropoliteninin yeganə yerüstü stansiyasıdır. Açıq tipli stansiya olduğu üçün hava şəraiti dəyişən zaman sərnişinlər üçün müəyyən çətinliklər yaranırdı. Təmir zamanı bu stansiyada xüsusi çətirlərin quraşdırılması işləri həyata keçirilir ki, bu da sərnişinlərin çətinliklərini aradan qaldıracaq. “Bakmil” metro stansiyasının dəmir-magistral yolları, platforması, xidməti otaqları, bütün infrastrukturu yeni, müasir qurğularla təchiz edilir. Təmir işləri zamanı stansiyanın fasadının, platformasının üzvi daşlarının dəyişdirilməsi işləri də görülüb. Hazırda stansiyada tamamlanma işləri həyata keçirilir.

video
Bu xəbər oxucular tərəfindən 22 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed