Şrift:
Daşkənddəki festivalda Azərbaycan da təmsil olunub
30.10.2018 [11:21] - Mədəniyyət
Daşkənddəki iki nömrəli Cahan Dilləri Liseyində “Xalqların adət-ənənələri və mədəniyyət” adlı festival keçirilib.

Özbəkistandakı səfirliklərin və mədəniyyət mərkəzlərinin qatıldığı festivalda ölkəmizi Daşkənddəki Heydər Əliyev adına Azərbaycan Mədəniyyət Mərkəzi təmsil edib.

İştirakçılara festival haqqında məlumat verilib.

Liseyin həyətində Azərbaycan üçün ayrılan guşədə ölkəmizin bayrağı, ulu öndər Heydər Əliyevin həyat və fəaliyyəti, Prezident İlham Əliyevin rəhbərliyi ilə ölkəmizin iqtisadi inkişafından bəhs edən kitablar, “Qarabağ həqiqətləri” seriyasından Heydər Əliyev Fondu tərəfindən rus və ingilis dillərində çap edilən nəşrlər, Azərbaycanın tarixi və mədəniyyəti ilə bağlı əsərlər nümayiş etdirilib. Azərbaycan milli mətbəxinə aid təamlar, həmçinin şirniyyatlarımız da maraqla qarşılanıb.

Konsert proqramında Mədəniyyət Mərkəzinin nəzdindəki "Azərbaycan qızları" rəqs ansamblının üzvləri milli rəqslərimizi ifa ediblər.

Tədbirin sonunda fəal iştirakçılara diplomlar təqdim olunub. Onların arasında AMM də olub.



Qulu Kəngərli
Bu xəbər oxucular tərəfindən 147 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed