Şrift:
Ukrayna Ali Radası ölkə Konstitusiyasına Aİ və NATO-ya inteqrasiyaya dair dəyişikliyi qəbul edib
23.11.2018 [10:10] - Xəbərlər, Siyasət
Ukraynanın Ali Radası ölkə Konstitusiyasına NATO və Avropa İttifaqına inteqrasiyaya dair dəyişikliyi qəbul edib.

Birinci oxunuşda qəbul edilən Konstitusiya dəyişikliyinin lehinə 311 deputat, əleyhinə isə 21-i səs verib.

Layihə parlamentin səlahiyyətlərinə daxili və xarici siyasətin əsaslarını müəyyənləşdirmək, Ukraynanın Aİ və NATO-ya tam üzvlük alması üçün dövlətin strateji kursunun həyata keçirilməsini nəzərdə tutur. Eyni zamanda, Ukrayna prezidentinin Ukraynanın Aİ-yə və NATO-ya tam üzvlük alması üçün dövlətin strateji kursunun həyata keçirilməsinin təminatçısı olduğunu qeyd edir.

Səsvermədən öncə çıxış edən prezident Petro Poroşenko bildirib ki, NATO hələ də ən təsirli və ən mütəşəkkil kollektiv təhlükəsizlik, müdafiə sistemidir və təxminən 70 ildir heç kim, hətta NATO-nun ən kiçik üzvünə belə hücum etməyə qərar verməyib.

Poroşenkonun sözlərinə görə, Ukrayna NATO-ya əliboş getmir. Ötən illərdə ukraynalılar sovet sistemindən NATO standartlarına keçid sahəsində misilsiz sayda ümumi təlimlər, illik milli proqramların həyata keçirilməsi, bütün təhlükəsizlik sektorunun uyğunluğuna nail olmaq üçün böyük bir təcrübəyə malik güclü və səmərəli ordu yarada bilib.

Emil Hüseynli
Bu xəbər oxucular tərəfindən 107 dəfə izlənilmişdir!
Google Yahoo Facebook Twitter
Del.icio.us Digg StumbleUpon FriendFeed